Trajneri i Al Wasl, Diego Maradona, pritet të lëshohet nga spitali pas një ndërhyrjeje të suksesshme kirurgjike për largimin e gurëve në veshkë.Legjenda argjentinase të dielën u shtrua në spital pasi mjekët përmes ekzaminimeve kishin vërejtur praninë e gurëve në veshka, dhe kishin vendosur ta operojnë atë.
Klubi ka lëshuar një komunikatë për media ku thuhet se 51-vjeçari është operuar me sukses dhe se ai do të lëshohet në shtëpi për riaftësim të mëtutjeshëm.