Menaxheri i Milanit, Massimiliano Allegri, ka deklaruar se nuk ka gjasa që Carlos Tevez të transferohet në San Siro para mbylljes së afatit kalimtar.Rossonerët janë duke bërë gjithçka për të siguruar shërbimet e sulmuesit të Manchester Cityt, por e kanë të vështirë të sigurojnë firmën e tij.
“Nuk kam asnjë shpresë që Tevez mund të arrijë para mbylljes së afatit kalimtar”, ka thënë Allegri në një konferencë për media.
Ai ka folur edhe për sulmuesin veteran, Filippo Inzaghi, për të cilin ka thënë se është i lirë të vendosë nëse dëshiron të qëndrojë ose të largohet.
