Kapiteni i Juventusit, Alessandro del Piero, nuk mund të garantojë qëndrimin më shumë se deri në fundi të këtij sezoni.Del Piero ka marrëveshje njëvjeçare te Juventusi dhe do të mbushë 37 vjet në nëntor, derisa është në dyshime nëse do të vazhdojë të luajë edhe pas këtij sezoni.
“Duke e ditur se ky mund të jetë sezoni im i fundit, kjo më shtyn të jap 200 për qind. Unë ende nuk kam vendosur nëse do të jetë sezoni i fundit te Juventusi ose në përgjithësi. Por gjatë 20 viteve, do të isha i lumtur të shoh prapa në këtë aventurë”, ka thënë Del Piero për Gazzetta dello Sport.