Portieri i ri i Bayernit, Manuel Neuer, është prezantuar para tifozëve bavarezë, para të cilëve ka deklaruar se dëshiron ta fitojë titullin e kampionit të Bundesligas sezonin e ardhshëm.“Unë dua të arrij sa më shumë që kam mundësi, por fokus do të jetë në kampionat. Është diçka që dua ta fitoj”, theksoi Neuer.
Në konferencë për shtyp fjalën e kishte edhe trajneri i ri Jup Heynckes, i cili tha: “Ekipi ka qenë shumë kompetitiv. Ne jemi në nivel evropian”.