Mesfushori i Napolit, Marek Hamsik, ia ka hapur derën Milanit, duke thënë se do t’i pëlqente që ta veshë fanellën kuqezi në të ardhmen.Javën e kaluar, Massimiliano Allegri ka thënë se është i interesuar për një mesfushor klasi që do ta zëvendësojë të larguarin Andrea Pirlo.
“Është vështirë të parashikoj se kur do të largohem. Shkuarja te Milani do të ishte një hap i madh në karrierën time, sepse jam ende i ri dhe nuk kam fituar asgjë”, ka thënë Hamsik për Il Corriere dello Sport.
Megjithatë, ai i ka përkujtuar tifozët se aktualisht është shumë i lumtur te Napoli, ku është duke qëndruar qe katër vite.