Teknika e Barcelonës do të përplaset me stilin tipik anglez të Manchester United në finalen e Ligës së Kampionëve, gjithnjë sipas strategut Giovanni Trapattoni.Trapattoni e ka fituar trofeun e Ligës së Kampionëve si lojtar në vitin 1963 me Milanin, ndërsa si trajner i Juventusit e përsëriti të arriturën në finalen skandaloze të Heyselit ndaj Liverpoolit.
“Është një finale e cila ndesh dy ekipet më të mira të Evropës. Nga pikëpamja teknike, ata janë të ndryshëm – një ekip shumë i fortë anglo-sakson do të luajë ndaj një ekipi të Barcelonës me imagjinatë të madhe dhe teknikë të shkëlqyer”.
“Diferenca mes fitores dhe humbjes në një nivel aq të lartë mund të jetë gabimi më i vogël, apo humbja e përqëndrimit në një moment të vetëm”, ka thënë Trapattoni për UEFA.com.
