Mesfushori portugez i Liverpoolit, Raul Meireles, thotë t’ia ketë bërë me dije menaxherit Kenny Dalglish rreziqet në përballjen ndaj Bragës në ndeshjen e parë të 1/8-ës së finales në Europa League.“Unë kam biseduar me menaxherin. Unë ia sqarova se Braga po kalon sezon fantastik dhe përfundoi e dyta, para Portos. Me lojtarët e njëjtë por me një vit më shumë përvojë, unë pres që Braga të jetë rival i madh”.
“Unë pres ndeshje të vështirë. Unë e njoh shumë mirë Bragën pasi kam luajtur shumë herë ndaj tyre. Por, me rëndësi është që ne të fitojmë”, potencoi Meireles.