Mbrojtësi i Barcelonës, Dani Alves, ka lavdëruar bashkëlojtarët e tij për paraqitjen e ‘jashtëzakonshme’ në fitoren 3-1 ndaj Arsenalit në Ligën e Kampionëve dhe thotë se ‘ka vetëm një Barcelonë’.Blaugranët e filluan ndeshjen me disavantazh 2-1, por arritën ta eliminojnë ekipin anglez me rezultat të përgjithshëm 4-3 nga të dyja ndeshjet dhe të kualifikohen për në çerekfinale të garës evropiane.
“Ka vetëm një Barcelonë, dhe gjatë sfidës prej dy ndeshjeve, ne e bëmë shumë të vështirë atë për rivalët tonë. Ishte një atmosferë shumë e bukur. Njerëzit kanë qenë në gjendje ta lexojnë ndeshjen mirë dhe kjo është e rëndësishme për ne”, ka thënë Alves.