Messi mposht Ronaldon, përsëri!

Ndeshja miqësore mes Argjentinës dhe Portugalisë u llogarit sërish si një takim i dy futbollistëve më të mirë të planetit, ndërsa edhe njëherë Lionel Messi u shfaq në maje, por vlen të përmendet se Ronaldo luajti vetëm 60 minuta në këtë sfidë.
“Kjo nuk ishte një ndeshje mes Barcelonës dhe Real Madridit, apo Messit dhe Cristiano Ronaldos. Ne nuk konkurrojmë ndaj njëri tjetrit se kush është më i miri, ne luajmë për të mirën e ekipeve tona. Unë kërkova të luaj 90 minuta dhe si zakonisht që gjuaj penaltitë ashtu bëra dhe në këtë ndeshje. Më është kërkuar të luaj në një rol që pak a shumë e bëj edhe te Barcelona, të luaj sikurse një nr. 9 i rremë, prapa sulmit”, u shpreh Lionel Messi pas takimit.“Unë kënaqem së shikuari Ronaldon dhe Messin, por mu duk se Leo ishte një nivel më lart”, ka thënë përzgjedhësi i Argjentinës Sergio Batista.

Messi doli i pari në skenë kur me një asistim të mrekullueshëm e gjeti të lirë Di Marian për të realizuar golin e epërsisë. Ronaldo u përgjigj me një gol nga afërsia për 1-1, por një prej momenteve më interesante ishte ai kur Messi e fitoi duelin në ajër ndaj Ronaldos.
Në debatin se kush është lojtari më i mirë në botë, CR7 gjithmonë llogaritet si më i miri me kokë, ashtu sikurse e dëshmoi ndaj Real Sociedadit të dielën, por klipi i mëposhtëm do të shfrytëzohët në të ardhmen nga tifozët e Lionel Messit për të dëshmuar të kundërtën.

Më vonë, Messi vërtet erdhi në formë, duke bërë një vrapim mallëngjyes që na bëri të mendojmë se topi është i ngjitur për këmbët e tij, ndërsa në sekondat e fundit realizoi dhe golin e fitores nga penaltia.

Momentet individuale të Lionel Messit ndaj Portugalisë


Momentet individuale të Ronaldos ndaj Argjentinës