Kengetarja nga Kosova, Genta Ismajli ka hedhur sytë drejt Evropës dhe festivalit me te njohur te kenges evropiane. Sipas ''SH2'', Genta në një fshehtësi totale po merr pjesë në seleksionimin e Zvicrës për përfaqësuesen e tyre në “Eurosong”. Rregullat e reja të këtij festivali, në përpjekje për të fituar një audiencë sa më të madhe, tregojnë se nuk është më e nevojshme , që të jesh shtetas apo banor i një shteti, për të marrë pjesë në konkursin seleksionues të këtij shteti për përfaqësuesin e tyre në Eurovizion.
Me idenë se do të mbështetet nga numri i madh i shqiptarëve që jetojnë në Zvicër, Genta ka regjistruar këngën e re “This Is My Night” e cila ka për autorë Cuneyt Çakim dhe S.Levenberger. Nëse kualifikohet në seleksionimin paraprak dhe hyn në dhjetëshen finale, Genta ka më shumë shanse për të fituar, pasi është mjaft e preferuar nga shqiptarët e Zvicrës të cilët padyshim do të votonin për të.