Mesfushori i Manchester Cityt, Yaya Toure, ka shprehur dëshirën të rikthehet te Barcelona, para se karriera e tij të marrë fund.Përfaqësuesi i kombëtares së Bregut të Fildishtë u transferua në Eastlands gjatë verës për një shumë prej afro 24 milionë euro, por ka thënë se largimi nga Camp Nou ka qenë ‘një prej momenteve më të vështira në jetë’.
“Do të rikthehem të luaj për Barcelonën, jo si turist. Dua të kthehem te Barcelona, pasi largimi ishte momenti më i vështirë në jetën time. Sergio Busquets është person i mirë dhe pa Busquets, unë nuk do të isha larguar. Ai ka kualitete të shkëlqyeshme dhe ajo çfarë dua janë ndeshjet, jo të qëndroj në stol. Kam fituar gjithçka atje dhe kisha nevojë për sfida të tjera”, ka thënë Toure.