Menaxheri i Chelseat, Carlo Ancelotti, e ka emëruar skuadrën që pritet të luajë në sfidën kryesore të javës së gjashtë ndaj Manchester Cityt në Eastlands.Blutë i shkojnë Cityt me një seri prej pesë fitoreve radhazi në Ligën Premier, por do të përballen me testin e parë serioz këtë sezon, kur të ndeshin brinjtë me titanët e Roberto Mancinit.
Ashtu siç është pritur, Ancelotti ka bërë ndryshime drastike në lojën e tij, pas disfatës turpëruese nga Newcastle në Carling Cup, duke lënë vetëm tri lojtarë të asaj ndeshjeje në skuadër. Pos John Terryt, Nicolas Anelkas dhe Rramiresit, të gjithë të tjerët e humbën vendin e tyre dhe kjo do të thotë se Drogba do të luajë, ashtu si Michael Essien.
Frank Lampard nuk është riaftësuar pas operacionit në hernia dhe mund të mungojë në dy ndeshjet e ardhshme.
Ekipi i Chelseat ndaj Manchester Cityt: Cech, Ivanovic, Alex, Terry, Cole, Essien, Mikel, Ramires, Anelka, Drogba, Malouda.