Gjermania do të ndeshet me Anglinë në supersfidën që zhvillohet të dielën në kuadër të rrethit të 1/8 së finales, ndërsa sulmuesi kryesor gjerman, Lukas Podolski, nuk sheh arsye për t’u frikësuar nga anglezët.“Nuk mendoj se duhet të kemi frikë nga ata. Është e vërtetë se ata luajtën relativisht mirë në ndeshjen e tyre të fundit në grup, por nga ajo çfarë kanë bërë gjatë gjithë kampionatit, nuk ka arsye për t’u frikësuar”.
“Kjo është një ndeshje shumë e rëndësishme, por gjithashtu një ndeshje normale e Kampionatit Botëror. Ne duhet të fokusohemi në ndeshjen dhe vetëm në ndeshjen”.
“Penaltitë? Ne nuk i duam penaltitë, qëllimi ynë është që ta fitojmë ndeshjen në kohën e rregullt”, përfundoi deklaratën e tij ‘Poldi’.