Natë përvëluese në Las Vegas
Duke ecur në bar
shkel një homelës në gjumë
si dinosauer
Bërtet ai bërtas unë
Nga njëri-tjetri pse frikë
Kthej kokën: A më ndjek
Aligator mos ish
Befas currila uji
më sulmojnë nga çdo anë
që nga Bellaxhio larg
Ç’mëkate kam për të larë
Kazinot si meduza
pas xhaketës më kapin
Me sytë-zjarr më ngrijnë
më zbrazin kredit-kartat
Te udhëkryqi Strip-Sahare
Një Lopë e Shenjtë përballë
Ç’u bëra flì padashur
majë brirësh të saj
