Sulmuesi i Real Madridit, Gonzalo Higuain, është shprehur i pakënaqur që Mbretërit nuk e shfrytëzuan lëshimin e Barcelonës për t’u barazuar me pikë.Los Blancos barazuan pa gola kundër Osasunas dhe do të mbeten dy pikë prapa liderit, që po ashtu barazoi këtë javë kundër Villarrealit.
“Ky barazim lë një shije të hidhur, sepse patëm mundësi të fitonim”.
“Është turp. E rëndësishmja tani është që të vazhdojmë angazhimin dhe të përgatitemi për ndeshjen kundër Mallorcas, që të fitojmë tri pikë. Duhet të vazhdojmë betejën, angazhimin, sepse ka edhe shumë për të luajtur në La Liga...”, tha argjentinasi pas ndeshjes.