Sulmuesi kosovar me nënshtetsi finlandeze, Shefki Kuqi, ka vazhduar shkëlqimin me ekipin e Bundesliga 2, Koblenz, duke shënuar dy golat që i sollën fitoren ekipit përballë Arminia Bielefeld.Ekipi për të cilin aktivizohet Besart Berisha kaloi në epërsi të dyfishtë në pjesën e dytë me golat e Federico (59’) dhe Janjic (73’), por 10 minuta para fundit të ndeshjes, Shefki Kuqi ngushtoi rezultatin.
Katër minuta më vonë, Benjamin Lense barazoi rezultatin, për t’i mundësuar sërish Kuqit një minutë më vonë të shënojë golin e fitores për vendasit (85’).
Për Koblenz një orë lojë bëri edhe vëllai më i ri i Shefkiut, Nijazi Kuqi, ndërsa te Arminia Bielefeld, Berisha qëndroi gjithë ndeshjen në stol.
