Ndeshja e dytë e vlefshme për Trofeo Tim, e zhvilluar ndërmjet rivalëve të qytetit Milano, Milan dhe Inter, ka përfunduar me fitoren e lojtarëve me fanellat zikaltër.Nerazzurët kanë mposhtur Rossonerët me rezultat minimal prej 1-0, në ndeshjen e dytë të Trofeo Tim. Golashënues i vetëm në këtë përballje 45-minutëshe, ishte sulmuesi i Interit, Mario Balotelli (24’). Tani kreu i takon Interit me katër pikë, dhe për të shikuar se kush do të shpallet fitues i këtij trofeu duhet të presim të zhvillohen edhe 45 minutat ndërmjet Juventusit dhe Milanit. Bianconerët nuk guxojnë ta humbin këtë ndeshje.