Tenistja e shtatë në botë, rusja Svetlana Kuznetsova, ka fituar titullin e parë French Open, duke mposhtur në finale bashkë-vendasen e saj, numrin një të botës, Dinara Safina, me rezultat 2-0 në sete (6-4’ 6-2).Kuznetsova bëri një fillim nervoz, por shpejt u rikuperua për të rimarrë kontrollin e ndeshjes dhe për të ngritur titullin e dytë të saj Grand Slam, pas atij të vitit 2004, US Open. Safina, e cila humbi edhe në finalen e vitit të kaluar nga Ana Ivanovic, tash çon në tre numrin e dështimeve në finalet Grand Slam, duke mos arritur ta fitojë asnjërën.