Basketbollistët e Sigal Prishtinës kanë shënuar fitore në takimin e katërt të serisë finale ndaj Bashkimit në TechnoMarket Superligë, duke shënuar fitore në palestrën e stërmbushur "Sezai Surroi" në Prizren, me rezultat 74:57.Kësisoj, prishtinasit duke iu falënderuar faktit që në serinë finale kanë hyrë me epërsi 1:0, tashmë kanë rikthyer epërsinë në serinë e fitoreve 3:2 dhe në rast se të shtunën në kryeqytet shënojnë fitore, atëherë do të stolisen me titullin e kampionit. Më të dalluarit te Sigal Prishtina ishin Selimi me 20 pikë, Azemi 14 dhe Jang e Xhons me nga 12 pikë, derisa në radhët e Bashkimit u dalluan Prashoviq me 17 pikë dhe Xhin me 13 pikë.