Trajneri i Manchester Unitedit, Sir Alex Ferguson, ka thënë se mund ta ketë në dispozicion vetëm një sulmues për ndeshjen e të dielës kundër Aston Villas.Dimitar Berbatov nuk mund të luajë edhe në dy javët e ardhshme, për shkak të lëndimit të gjurit në ndeshjen kundër Fulhamit, ndërsa Wayne Rooney (së bashku me Nemanja Vidic dhe Paul Scholes) do të mungojë për shkak të suspendimit. Kështu vetëm Carlos Tevez, i cili do të kthehet gjatë ditës së sotme nga angazhimi me përfaqësuesen e Argjentinës, mund të jetë në vijën e sulmit për United. “Nëse gjithçka është në rregull me Tevez, atëherë do ta kem së paku një sulmues. Duhet të mendoj me kë do të luaj”, ka thënë Ferguson.