Skuadra e Arsenalit e ka mposhtur Burnleyn me rezultat 3-0 në ndeshjen e vlefshme për FA Cup për të vazhduar në çerekfinale ku do të përballet me Hull Cityn.Topçinjtë kanë qenë dominues në këtë përballje duke arritur të shënojnë tri herë në portën kundërshtare. Golin e parë në ndeshje e shënoi Carlos Alberto Vela (25’), derisa asistues ishte Andrey Arshavin. Në minutat e para të pjesës së dytë (51’), i rikthyeri nga lëndimi, Eduardo Da Silva, dyfishoi epërsinë, duke lënë të kuptohet që Arsenali do të vazhdonte tutje. Ndërsa për rezultatin përfundimtar, prej 3-0, u kujdes Emmanuel Eboue, i cili pranoi një top pas një kombinimi të Gallas dhe Song.