Sinan Kërpaçi

URTËSIA

Unë i afrohesha me kureshtje tekes së gjahut ,
tekes që e shkrepte në mal babai kur donte të egër
e jehona përplasej mal më mal sa gjente veshin tim.

Nëna sikur më thoshte në ato kohë :
Largohu nga ai hekur se e mbush shejtani , o bir .

Tani unë afrohem te çiftja automatike “Benelli” ,
te çiftja ulërimë që e shkrep djali
jo në mal si gjyshi për të vrarë derra,
për të vrarë të egër ,
po për fluturakë ,
djali, që jo rrallë, ma sjell mu në majë të hundës .

E jehona e tekes së babait mal më mal
më vjen si urtësi popullore që më thotë :
mos ia lësho veshin,
në këto kohë s`e mbush vetëm ai që trembej nëna.